Danza no Claustro · 2024 · 2023 . 2022 · 2021 · 2020 · 2019 · 2018 · 2017 · 2016 · 2015 · 2014 · 2013 

 

 

ATONAL / CARLA SEGOVIA & GUILLERMO AGUILAR / México

Coreografía e interpretación: Carla Segovia e Guillermo Aguilar

Música orixinal: Aristóteles Benítez (Voces e sons de Carla Segovia e Guillermo Aguilar).

​

ATONAL é un proxecto co que propoñemos xerar unha relación coreográfica entre a voz, o uso de Autotune e Ableton e o corpo en movemento.

A nosa principal intención é explorar as posibilidades destos softwares e secuenciadores musicais como distorsionadores vocais; investigar e xerar efectos artificiais que nos permitan realizar composicións vivas que involucren as nosas voces alteradas como condicionantes do movemento dos nosos corpos.

​

​

DORMU / INDALECIO SÉURA / Andalucía

Coreografía e intérprete: Indalecio Séura

​

“Voa, voa 

máis alá, 

nun barco de remo. 

Rema, rema 

e cando esteas, 

saúda desde o ceo. 

Non me chores doce amor, 

faite un anxo valente. 

só espero que ao ir eu, 

poida recoñecerte.” 

​

​

THE BEAUTY OF IT / ÁNGEL DURÁN / Cataluña / A través da Red Acieloabierto

Coreografía e intérprete: Ángel Durán

Deseño de vestiario: Paula Ventura

Deseño de son: Àngel Durán e Pep Vilaregut

Asesoramento dramaturxico: Blanca Apilánez

Fotografía: José Ma Pecci

 

The Beauty of It básase nas teorías de Carl Jung sobre a dualidade entre a mente consciente e o inconsciente. Esta dicotomía nunha soa persoa non nos permite diferenciar entre a realidade real e o que é o soño. Nesta proposta escénica exponse a fraxilidade do home, así como unha reflexión sobre a autenticidade das accións ou personaxes creados por el mesmo. ¿Cal é a verdadeira máscara? É real todo o que experimentamos? ¿Que diferencia hai entre actuar e comportarse tal como és?

The Beauty of It utiliza as grabacións da entrevista ao dr. Carl Jung no 1957 como narrador externo para mergullarnos nun estado reflexivo onde o intérprete é obxecto de estudo, pero tamén é un espello de nós mesmos. Barridos polas diferentes calidades de movemento e expresións mergullámonos no inconsciente humano.

​

​

ALLEO / COLECTIVO GLOVO / Galicia

Creación e interpretación: Esther Latorre e Hugo Pereira

​

Todo comeza alí arriba, onde atisbamos o que acontece e se rexistra o alleo do campo e do mar. Desde a miña posición apréciase a verdade; a torre é calida, é laranxa. Os raios de sol fúnden-se nas fisuras e rompen baixo pedras rotundamente terrenais. Aquela ardente soidade, queima e destrue o privilexio do atisbo deixándonos no abandono ante a eterna inmensidade. 
 

Alleo se basea na idea da atalaia. Parte do condicionamento da “privilexiada” posición da torre e de quen desempeñaba o papel da vixilancia. Habitamos ambos corpos: o poder que outorgaba o coñecemento do descoñecido e do que estaba por vir así como a soidade desa posición e do peso do descubrimento do alleo. 

​

​

VERTEBRATA / ALEJANDRA BALBOA / Galicia

Creación e interpretación: Alejandra Balboa

​

Investigando co coreógrafo Luis Marrafa, nace Vertebrata. Unha viaxe emocional na que o corpo é movido polo ruido que o habita. Éste encóntrase coa dificultade de controlar os seus impulsos internos, intentando descifralos e incluso dominalos. Un vaivén entre a leve asfixia do intento e a pesada carga da debilidade. É a expresión dun animal que exterioriza a través do movemento, os diferentes estados da súa materia.

 

 

Non deixo que nada entre en min sen retumbar, sen controlar a intensidade coa que habitan, chocan e incluso explotan. Ás veces parece que descansan, pero rapidamente percorren todo o espazo que poden para facerse notar.

Limítome a intentar apagalas. Penso, ilusa, que cando me volvan a petiscar, entendereinas con claridade.

Pero non. Non consigo que durman.

Temo que a miña paz quedará reducida aos pequenos momentos nos que o aire consiga entrar e sair do meu corpo sen dificultade.

​